फलटण : मा. राज्य निवडणूक आयोग, महाराष्ट्र यांनी सातारा जिल्ह्यातील ६५ जिल्हा परिषद निवडणूक विभाग व १३० पंचायत समिती निर्वाचक गणांच्या सार्वत्रिक निवडणुकीसाठी आरक्षण निश्चित करण्याबाबतचा कार्यक्रम जाहीर केला आहे.या कार्यक्रमानुसार, सातारा जिल्ह्यातील सर्व ६५ जिल्हा परिषद गट व १३० पंचायत समिती गणांची आरक्षण सोडत दिनांक १३ ऑक्टोबर २०२५ रोजी पार पडणार आहे.
फलटण तालुक्यातील जिल्हा परिषद गट व पंचायत समिती गणांची आरक्षण सोडत सजाई गार्डन, जाधववाडी, फलटण येथे सकाळी 11.30 वाजता घेण्यात येणार असल्याची माहिती फलटणचे तहसीलदार डॉ. अभिजीत जाधव यांनी दिली आहे.या सोडतीदरम्यान सर्व संबंधित अधिकारी, लोकप्रतिनिधी तसेच इच्छुक नागरिक उपस्थित राहू शकतात. जिल्हा परिषद व पंचायत समिती निवडणुकीच्या तयारीसाठी हा महत्त्वाचा टप्पा मानला जात असून, या सोडतीनंतर प्रत्येक गट व गणाचे आरक्षण निश्चित होणार आहे.
