शुक्रवारी फलटणमध्ये श्रीराम रथोत्सव; यात्रेची आजपासून सुरुवात

फलटण – फलटण तालुक्याचे आराध्य दैवत प्रभू श्रीरामांची पारंपरिक श्रीराम यात्रा यावर्षी मोठ्या भक्तीभावाने साजरी होत आहे. यात्रेची सुरुवात आज रविवार, १६ नोव्हेंबर २०२५ पासून होत असून मुख्य रथोत्सव शुक्रवार, २१ नोव्हेंबर २०२५ रोजी पार पडणार आहे.या दिवशी सकाळी सात ते आठ या वेळेत श्रीराम मंदिरात कीर्तन होईल. त्यानंतर सकाळी आठ वाजता प्रभू श्रीरामांच्या मूर्ती भव्य रथात विराजमान करून रथ मिरवणूक शहरभर मार्गक्रमण करणार आहे. दिवसभर चालणारी ही मिरवणूक सायंकाळी सात वाजता पुन्हा श्रीराम मंदिरात परत येणार आहे.

यात्रेचे दिनवार स्वरूप पुढीलप्रमाणे आहे – रविवार, १६ नोव्हेंबर – प्रभावळ,सोमवार, १७ नोव्हेंबर – अंबारी वाहन,मंगळवार, १८ नोव्हेंबर – शेष वाहन,बुधवार, १९ नोव्हेंबर – गरुड वाहन,गुरुवार, २० नोव्हेंबर – मारुती वाहन,शुक्रवार, २१ नोव्हेंबर – मुख्य रथोत्सव,शनिवार, २२ नोव्हेंबर – काकड आरती


फलटणच्या श्रीराम यात्रेसाठी केवळ फलटण मधूनच  नव्हे तर आजूबाजूच्या बारामती, माळशिरस, माण खटाव,कोरेगाव, खंडाळा  तालुक्यांमधूनही नागरिक मोठ्या संख्येने उपस्थित राहतात. यात्रेनिमित्त उंच, रंगीबेरंगी पाळणे, विविध वस्तूंची दुकाने, खाद्य स्टॉल्स आणि मनोरंजनाची साधने उभी राहत असल्याने जवळपास पंधरा दिवस फलटण शहरात उत्साहाचे, भक्तिमय वातावरण निर्माण होते.