फलटण नगरपरिषद प्रभाग १ मध्ये ‘धनुष्यबाणा ’मुळे वातावरण टाईट

फलटण – फलटण नगरपरिषद निवडणूक 2025 मध्ये प्रभाग क्रमांक १ मध्ये शिवसेनेच्या धनुष्यबाण चिन्हामुळे वातावरण तापल्याची चर्चा राजकीय वर्तुळात सुरू आहे. खासदार गटाकडून अपक्ष उमेदवारांना मैदानात उतरवण्यात आले असले, तरी महाराष्ट्र विधान परिषदेचे माजी सभापती तथा आमदार श्रीमंत रामराजे नाईक-निंबाळकर यांनी नवतरुण लढवय्या जोडी मंगेश आवळे आणि राहुल पवार यांच्या माता उमेदवारांना शिवसेनेच्या एबी फॉर्मवर अधिकृत उमेदवारी देत प्रभागात मजबूत ऐनिंग सुरू केली आहे.

प्रभागात या नव्या उमेदीच्या युवा जोडीला जनतेचा उत्स्फूर्त प्रतिसाद मिळत असल्याची कुजबुज सुरू आहे. विकासकामांना नव्या गतीने पुढे नेण्याचा निर्धार असल्याचे दोन्ही उमेदवारांनी सांगितले आहे.

प्रभागातील इतर उमेदवारांचा विचार करता, अधिकृत पक्षाच्या चिन्हावर “धनुष्यबाण” फक्त राजे गटाचेच उमेदवार रिंगणात आहेत. यात शिवसेनेचे नगराध्यक्ष पदाचे उमेदवार श्री. अनिकेतराजे रामराजे नाईक-निंबाळकर, तर नगरसेवक पदासाठी अनुसूचित जाती महिला अ मधून  मंगेश आवळे यांच्या आई सौ. लक्ष्मी प्रमोद आवळे आणि सर्वसाधारण ब मधून राहुल पवार यांच्या आई सौ. सुमनताई रमेश पवार यांचा समावेश आहे.

प्रभागातील जाणते मतदार नवतरुण आणि लढाऊ कार्यकर्त्यांच्या पाठीशी उभे राहण्याचा निर्धार करत असल्याची व्यापक चर्चा प्रभागभर सुरू आहे.