फलटण मधील सामान्य जनता राजे गटासोबतच – मंगेश आवळे

फलटण – “विरोधक कितीही 27/0 करण्याचे दावे करत असले तरी फलटणची सामान्य जनता ही राजे गटासोबतच उभी आहे,” असा ठाम विश्वास सामाजिक कार्यकर्ते मंगेश आवळे यांनी व्यक्त केला.

मंगेश आवळे हे फलटण शहरातील सोमवार पेठ येथील रहिवासी असून त्यांच्या आई सौ. लक्ष्मी प्रमोद आवळे या प्रभाग क्रमांक एक मधून अनुसूचित जाती महिला (अ) राखीव मधून नगरसेविका पदासाठी निवडणूक लढवत आहेत.

पुढे मंगेश आवळे म्हणाले की,
“फलटण नगरपरिषद निवडणूक 2025 मध्ये प्रभाग क्रमांक एक मधील सोमवार पेठ, शिवाजीनगर, पुजारी कॉलनी, श्रीराम सहकारी साखर कारखाना परिसरातील जनता परिवर्तनाच्या लोकशाही लढाईत प्रत्यक्ष सहभागी झाली आहे. आमच्या दोन्ही उमेदवारांना  (शिवसेना) राजे गटाच्या सौ. लक्ष्मी प्रमोद आवळे व सौ. सुमन रमेश पवार  यांना जनतेचा भरघोस पाठिंबा मिळत आहे.”
तसेच नगराध्यक्ष पदाचे अधिकृत उमेदवार श्रीमंत अनिकेतराजे ना. निंबाळकर यांना देखील प्रभाग क्रमांक एक मधून मोठे लीड मिळेल. फक्त प्रभाग एकच नव्हे, तर संपूर्ण फलटणमध्ये जनतेचा कौल राजे गटासोबतच असणार आहे, हे निकालातून स्पष्ट होईल.” असाही विश्वास त्यांनी व्यक्त केला.