सातारा जिल्हा राजकीय क्राईम क्रिडा निवडणूक प्रशासकीय सामाजिक संपादकीय देश विदेश राशि भविष्य मनोरंजन शेती आरोग्य विषयक इतर

---Advertisement---

फलटण नगरपालिका निवडणुक राजे गटाकडून लढण्यासाठी इच्छुक उमेदवारांमध्ये चैतन्याचे वातावरण

On: November 7, 2025 2:16 PM
Follow Us:
---Advertisement---

फलटण : फलटण नगरपरिषदेची निवडणूक सन २०२५ नुकतीच जाहीर करण्यात आली असून, सोमवार दिनांक १० नोव्हेंबरपासून उमेदवारी अर्ज दाखल करण्यास सुरुवात होणार आहे. या पार्श्वभूमीवर राजे गटाच्या वतीने इच्छुक उमेदवारांच्या मुलाखतींचा कार्यक्रम आमदार श्रीमंत रामराजे नाईक निंबाळकर यांच्या प्रमुख उपस्थितीत सुरू झाला आहे.

गुरुवार दिनांक ६ नोव्हेंबर २०२५ रोजी कोळकी येथील “गोविंद मिल्क अँड मिल्क प्रोडक्ट्स” येथे प्रभाग क्रमांक १ ते ६ मधील इच्छुक उमेदवारांच्या मुलाखती पार पडल्या. या वेळी अनेक उमेदवारांनी आपल्या समर्थक कार्यकर्त्यांसह जोरदार शक्तीप्रदर्शन केले. संपूर्ण परिसरात कार्यकर्त्यांची प्रचंड गर्दी दिसून आली होती.

शेकडो इच्छुक उमेदवारांनी मुलाखती दिल्या असून, यामध्ये अनेक मातब्बर नेत्यांनी आपल्या मातोश्रींसाठी, सौभाग्यवतींसाठी देखील राजकीय फिल्डिंग लावल्याचे दिसून आले. गोविंद डेअरी परिसरात शेकडो कार्यकर्त्यांच्या उपस्थितीमुळे वातावरण पूर्णतः निवडणूकमय बनले होते.

दरम्यान, शुक्रवार दिनांक ७ नोव्हेंबर रोजी उर्वरित प्रभागांच्या मुलाखतींचा कार्यक्रम पुढील वेळापत्रकानुसार घेण्यात येणार आहे –

हे ही वाचा  फलटण नगरपालिकेत मोठा राजकीय घडामोडींचा थरार; महायुतीचा झेंडा की नवा समीकरणबदल?

प्रभाग ७ : सकाळी १० ते ११

प्रभाग ८ : ११ ते १२

प्रभाग ९ : १२ ते १

प्रभाग १० : १ ते २

प्रभाग ११ : सायं. ६ ते ७

प्रभाग १२ : ७ ते ८

प्रभाग १३ : ८ ते ९

या मुलाखतींना इच्छुक उमेदवारांनी आपल्या समर्थकांसह उपस्थित राहण्याचे आवाहन राजे गटाच्या वतीने करण्यात आले आहे.

Join WhatsApp

Join Now

Join Telegram

Join Now
error: Content is protected !!