फलटण – पुणे विभाग पदवीधर निवडणूक २०२६ साठी प्रारूप मतदार यादीमधे नाव नोंदणी करण्यासाठी दिनांक ६ नोव्हेंबर २०२५ ही अंतिम मुदत होती. परंतु आता यापुढील टप्प्यात दिनांक १० डिसेंबर २०२५ पर्यंत आपल्याला पदवीधर निवडणूकीसाठी नाव नोंदणी करता येणार आहे. यापूर्वीच्या पदवीधर निवडणुकीसाठी त्यावेळी नावनोंदणी केली असेल किंवा त्यावेळी मतदान जरी केले असेल तरीही येत्या निवडणुकीसाठी पुन्हा नव्याने नाव नोंदणी करणे आवश्यक आहे. तरी फलटण तालुक्यातील सर्व पात्र पदवीधर नागरिकांनी १० डिसेंबर २०२५ पूर्वी पदवीधर निवडणूकीसाठी ऑनलाइन अथवा ऑफलाइन नावनोंदणी करावी असे जाहीर आवाहन सर्व सुजाण नागरिकांना तहसील कार्यालय फलटण यांच्यातर्फे तहसीलदार डॉ. अभिजीत जाधव यांनी केले आहे . ऑफलाईन फॉर्म तहसील कार्यालय फलटण नगरपालिका फलटण आणि पंचायत समिती फलटण येथे उपलब्ध आहेत तसेच ऑनलाइन नोंदणीची लिंक https://mahaelection.gov.in ही आहे.
आवश्यक कागदपत्रे :
१. पदवी प्रमाणपत्र (दिनांक १ नोव्हेंबर २०२२ पूर्वी पदवी प्राप्त झाली असणे आवश्यक)
२. आधार कार्ड किंवा मतदान ओळखपत्र अथवा अन्य शासकीय ओळखपत्र
