ररणरागिणी बहुउद्देशीय सामाजिक विकास संस्थेच्या वतीने महिला आरोग्य तपासणी शिबिर उत्साहात संपन्न

फलटण : ररणरागिणी बहुउद्देशीय सामाजिक विकास संस्थेच्या वतीने श्रीमंत शिवाजीराजे उद्यानविद्या महाविद्यालय, कृषि महाविद्यालय तसेच श्रीमंत मालोजीराजे शैक्षणिक संकुल, फलटण येथे महिला आरोग्य तपासणी शिबिराचे आयोजन करण्यात आले होते. या शिबिराला विद्यार्थिनी व शिक्षिका स्टाफचा उत्स्फूर्त प्रतिसाद मिळाला.
या कार्यक्रमाला महाविद्यालयाचे प्राचार्य डॉ. एस. डी. निंबाळकर (हॉर्टिकल्चर), प्राचार्य डॉ. यू. डी. चव्हाण (अ‍ॅग्रीकल्चर), रेक्टर सौ. सीमा शेडगे, तसेच श्रीमंत मालोजीराजे विद्यार्थी वसतिगृहाचे अधीक्षक श्री. जीवन शिंदे यांची प्रमुख उपस्थिती होती. यावेळी शिक्षकवर्ग आणि बहुसंख्य विद्यार्थिनींनी सहभाग नोंदवला.
शिबिरात श्री. अभिजीत भालके व डॉ. सौ. श्रुती विक्रांत थिटे यांनी विद्यार्थिनी व शिक्षिका स्टाफ यांना महिला आरोग्य आणि विविध आरोग्य समस्यांबाबत मार्गदर्शन केले. कार्यक्रमादरम्यान महिलांच्या आरोग्याबाबत जागरूकता निर्माण करण्यावर विशेष भर देण्यात आला.
या उपक्रमासाठी संस्थेच्या वतीने अध्यक्ष सौ. रझिया शेख, सचिव मारुती टकले, खजिनदार श्री. कैफ शेख, श्री. शरद पवार, श्री. राज चांदवडकर, संचालिका मा. मुख्याध्यापिका शाहीन शेख, सौ. माया बनसोडे, सौ. प्रीती शाह आणि सौ. अनिसा सय्यद उपस्थित होते. कार्यक्रम अत्यंत यशस्वी आणि उत्साहपूर्ण वातावरणात पार पडला.