पी.एन.जी. गॅस जोडणी व रखडलेल्या कामांवरून तीव्र आंदोलनाचा इशारा;शिवसेना उद्धव बाळासाहेब ठाकरे गटाचा निर्धार

संभाजीनगर | प्रतिनिधी : समाधान बक्षी
छत्रपती संभाजीनगरजवळील वाळूज परिसरातील बजाजनगर औद्योगिक वसाहत, सिडको, वाळूज महानगर, म्हाडा कॉलनी तसेच आदर्श नगर परिसरातील नागरिकांना गेल्या वर्षभरापासून पी.एन.जी.जोडणी मिळालेली नसल्याचा आरोप शिवसेना उद्धव बाळासाहेब ठाकरे गटाच्या पदाधिकाऱ्यांनी केला आहे.

याशिवाय, या परिसरातील रस्ते खोदून ठेवण्यात आले असून संबंधित विभागाकडून कामांकडे दुर्लक्ष होत असल्याचा आरोपही करण्यात आला. नागरिकांना यामुळे मोठ्या गैरसोयींचा सामना करावा लागत असून, गॅस जोडणीचे काम व रस्त्यांची दुरुस्ती तातडीने पूर्ण करावी, अशी मागणी करण्यात आली आहे.

अन्यथा संबंधित विभागाविरोधात तीव्र स्वरूपाचे आंदोलन छेडण्यात येईल, असा इशारा वाळूज शिवसेना (उद्धव बाळासाहेब ठाकरे) गटाचे तालुका प्रमुख विष्णू जाधव, पश्चिम विधानसभा प्रमुख प्रमोद ढेगडे, शहर प्रमुख विशाल खंडागळे, माजी ग्रामपंचायत सदस्य बजरंग पाटील, विभाग प्रमुख विनोद दाभाडे, उपविभाग प्रमुख कचरू साळे पाटील, रवी पाईकवार आणि संशोधन साळवे यांच्यासह पदाधिकाऱ्यांनी दिला आहे.