फलटण तालुक्यातील महिला व युवकांसाठी मोफत रोजगाराभिमुख प्रशिक्षणाची सुवर्णसंधी

१८ ते ३५ वयोगटातील इच्छुक महिला, मुली व युवकांनी लाभ घेण्याचे आवाहन

फलटण : फलटण तालुक्यातील १८ ते ३५ वयोगटातील महिला, मुली व युवकांसाठी रोजगाराच्या नव्या संधी निर्माण करण्याच्या उद्देशाने Centre for Youth Development and Activities (CYDA), Pune, Yashwantrao Chavan School of Social Work, Satara आणि नवयान संशोधन, उन्नती आणि प्रशिक्षण संस्था, बरड यांच्या माध्यमातून मोफत रोजगाराभिमुख प्रशिक्षण उपक्रम राबविण्यात येत आहे.

या उपक्रमांतर्गत इच्छुक महिला व युवकांना त्यांच्या आवडीच्या विविध कौशल्याधारित अभ्यासक्रमांपैकी कोणत्याही एका अभ्यासक्रमाचे पूर्णपणे मोफत प्रशिक्षण दिले जाणार आहे. प्रशिक्षणासाठी कोणतेही शुल्क आकारले जाणार नाही. विशेष म्हणजे, सहभागींची सोय लक्षात घेऊन प्रशिक्षण शक्यतो त्यांच्या परिसरातच उपलब्ध करून देण्याचा प्रयत्न करण्यात येणार आहे.

प्रशिक्षण यशस्वीरीत्या पूर्ण केल्यानंतर सहभागी उमेदवारांना स्थानिक पातळीवर रोजगाराच्या संधी उपलब्ध करून देण्यासाठी विशेष प्रयत्न व मार्गदर्शन केले जाणार आहे. प्रशिक्षण पूर्ण केलेल्या उमेदवारांना त्यांच्या परिसरात रोजगार मिळविण्यासाठी आवश्यक सहकार्य केले जाईल.

तसेच, प्रशिक्षण यशस्वीरीत्या पूर्ण केलेल्या पात्र सहभागी उमेदवारांना संबंधित अभ्यासक्रमाचे प्रमाणपत्र (Certificate) देण्यात येणार आहे. या प्रमाणपत्रामुळे उमेदवारांना भविष्यातील रोजगाराच्या संधींसाठी निश्चितच मदत होणार आहे.

याशिवाय, स्वतःचा व्यवसाय सुरू करू इच्छिणाऱ्या महिलांना स्वयंरोजगार व व्यवसाय सुरू करण्यासाठी आवश्यक मार्गदर्शन आणि सहकार्य उपलब्ध करून देण्यात येणार आहे.

उपक्रमाची वैशिष्ट्ये

– प्रशिक्षण पूर्णपणे मोफत
– प्रशिक्षणासाठी कोणतेही शुल्क नाही
– शक्यतो आपल्या परिसरातच प्रशिक्षणाची सुविधा
– प्रशिक्षण पूर्ण केल्यानंतर संबंधित अभ्यासक्रमाचे प्रमाणपत्र
– प्रशिक्षणानंतर स्थानिक पातळीवर रोजगाराच्या संधींसाठी सहकार्य
– सातारा जिल्ह्यात रोजगार मिळविण्यासाठी मार्गदर्शन
– चांगल्या पगाराच्या नोकरीसाठी आवश्यक कौशल्य व मार्गदर्शन
– स्वाभिमानाने रोजगार मिळविण्याची संधी
– स्वतःचा व्यवसाय सुरू करू इच्छिणाऱ्या महिलांना विशेष मार्गदर्शन

आजच्या बदलत्या काळात कौशल्य विकासाला मोठे महत्त्व प्राप्त झाले आहे. महिला व युवकांनी उपलब्ध संधींचा लाभ घेऊन स्वतःच्या पायावर उभे राहावे, आर्थिकदृष्ट्या सक्षम व्हावे आणि रोजगाराच्या माध्यमातून आत्मनिर्भर व्हावे, या उद्देशाने हा उपक्रम राबविण्यात येत आहे.

फलटण तालुक्यातील १८ ते ३५ वयोगटातील इच्छुक महिला, मुली व युवकांनी या सुवर्णसंधीचा लाभ घेऊन आजच नोंदणी करावी. मोफत प्रशिक्षण व प्रमाणपत्र मिळवून रोजगाराच्या संधींसाठी स्वतःला सक्षम बनवावे, असे आवाहन नवयान संशोधन, उन्नती आणि प्रशिक्षण संस्था, बरड यांच्या वतीने करण्यात आले आहे.

संपर्क :

हनुमंत भानुदास लोंढे
अध्यक्ष, नवयान संशोधन, उन्नती आणि प्रशिक्षण संस्था, बरड
मो. 9112349797