फलटण – येथील संजय हंसराज लोंढे यांचे 8 मार्च 2026 रोजी रात्री सुमारे 12:30 वाजण्याच्या दरम्यान दुर्मिळ आजाराने दुःखद निधन झाले. ते फलटण येथील एका खाजगी लाकडी वखारीत काम करत होते. शांत, मनमिळावू आणि स्वच्छ स्वभावामुळे परिसरात त्यांची ओळख होती.
गेल्या दोन महिन्यांपासून ते आजारी होते व मृत्यूशी झुंज देत होते. प्रत्येकाशी आपुलकीने वागणारे आणि कोणाशीही वैर न ठेवणारे असे त्यांचे व्यक्तिमत्त्व होते. पूर्वी ते सोमवार पेठ, फलटण येथे वास्तव्यास होते; मात्र गेल्या काही वर्षांपासून ते कोळकी येथे स्थायिक झाले होते.
त्यांच्या निधनाने मित्रपरिवारावर शोककळा पसरली असून कुटुंबावर दुःखाचा डोंगर कोसळला आहे. त्यांच्या पार्थिवावर आज दुपारपर्यंत फलटण येथील स्मशानभूमीत अंत्यसंस्कार करण्यात येणार आहेत.
