पुणे – कॅप्टन खरात प्रकरणानंतर रूपाली चाकणकर यांना आपल्या राज्य महिला आयोगाच्या अध्यक्ष पदाचा राजीनामा द्यावा लागला. कॅप्टन खरात यांच्यासोबतचे फोटो आणि व्हिडिओ समोर आल्यानंतर मुख्यमंत्री देवेंद्र फडणवीस यांनी त्यांचा राजीनामा मागितल्याचे समजते.
यानंतर चाकणकर यांनी आपला राजीनामा उपमुख्यमंत्री सुनेत्रा पवार यांच्याकडे सादर केला. पुढे उपमुख्यमंत्री पवार यांनी हा राजीनामा मुख्यमंत्र्यांकडे पुढील कारवाईसाठी पाठवला आहे.
रूपाली चाकणकर या राष्ट्रवादी काँग्रेसच्या कोट्यातून नियुक्त झालेल्या असल्यामुळे, या पदावर पुन्हा त्याच पक्षाच्या एखाद्या महिला नेत्याची नियुक्ती होण्याची शक्यता नाकारता येत नाही. संभाव्य नावांमध्ये अॅड. रूपाली ठोंबरे पाटील यांचा विचार होऊ शकतो, तसेच अन्य महिला नेत्यांचीही चर्चा सुरू आहे.
दरम्यान, नव्या अध्यक्षांची नियुक्ती होईपर्यंत आयोगाच्या सदस्य सचिवांकडे किंवा एखाद्या वरिष्ठ सनदी अधिकाऱ्याकडे तात्पुरता कार्यभार सोपवला जाण्याची शक्यता आहे.
रूपाली चाकणकर यांनी सुमारे साडेचार वर्षे राज्य महिला आयोगाच्या अध्यक्षा म्हणून काम पाहिले. अखेर 20 मार्च 2026 रोजी त्यांना आपल्या पदाचा राजीनामा द्यावा लागला
