फलटण : मानवतेचा स्पर्श दाखवणारी एक घटना आज फलटण शहरात पाहायला मिळाली. पहाटेच्या वेळेस सापडलेला मोबाईल मूळ मालक श्री. निलेश बाबुराव धायगुडे (व्यवसाय – ट्रक ड्रायव्हर) यांना परत देत लोकशाही भारत न्यूज नेटवर्कचे संपादक सागर राजेंद्र चव्हाण यांनी एक सामाजिक आदर्श घालून दिला.
पहाटे सुमारास सापडलेला मोबाईल ओळख पटवून परत देण्यात आला. मोबाईलचा मालक भेटल्यानंतर समजले की तो मोबाईल एका मेहनती ट्रक ड्रायव्हरचा होता. मोबाईल परत मिळाल्यावर भावनाविवश झालेल्या धायगुडे यांनी “धन्यवाद!” एवढेच शब्द उच्चारले आणि भावनिक होत मोबाईल परत दिल्याबद्दल गळाभेट घेतली . त्यांनी चहा-पाणी करण्याचा आग्रह धरला पण त्याच वेळी “आता माझ्याकडे पैसे नाहीत” असे प्रामाणिकपणे सांगितले. त्यांच्या साधेपणाचे आणि मनापासूनच्या कृतज्ञतेचे दर्शन घडले.
सागर चव्हाण यांनी हसतच सांगितले, “राहू द्या, काही अडचण नाही. मोबाईल परत देण्याचं समाधान हेच माझं चहापाणी आहे.”
धायगुडे यांनी पुढे म्हणाले, “पुन्हा भेटूया, फोन करतो तुम्हाला,” आणि त्या क्षणी त्यांच्या चेहऱ्यावरचा आनंद अमूल्य होता.
ही घटना आज दुपारी फलटण शहर पोलीस ठाण्यासमोरील परिसरात सुषमाताई अंधारे यांच्या नेतृत्वाखाली झालेल्या मोर्चाच्या कव्हरेजदरम्यान घडली. त्या ठिकाणी उपस्थित असलेल्या फलटणमधील काही ज्येष्ठ पत्रकारांनी या मानवतेच्या क्षणाचे साक्षीदार होण्याचा सन्मान मिळवला. फोटोमध्ये पत्रकार सागर चव्हाण हे मूळ मालक श्री निलेश बाबुराव धायगुडे यांना मोबाईल देत असताना या सोबतच दैनिक प्रभात चे पत्रकार अजय माळवे, दैनिक पुण्यनगरी चे यशवंत खलाटे पाटील, दैनिक सामनाचे सुरेंद्र ननावरे, श्रीहरी सुभाषितचे सुभाष भांबुरे, फलटण दर्शन चे सुधीर अहिवळे, सातारा टुडेचे संजय गायकवाड, AVB माझाचे विजय भिसे, ज्यांनी हा आपल्या कॅमेरा मध्ये क्षण कैद केला ते म्हणजे महाराष्ट्र माझा चे विक्रम चोरमले आदींसह उपस्थिती होती.
