इंग्लड – फलटण येथील माळजाई उद्यान समितीचे अध्यक्ष तथा फलटण बिल्डर्स असोसिएशनचे संस्थापक श्री प्रमोद निंबाळकर यांच्या कन्या कु. मानसी प्रमोद निंबाळकर यांनी इंग्लंडमधील केंब्रिज येथे असलेल्या अँग्लिया रस्किन विद्यापीठ (ARU) मधून मास्टर्स इन मेडिसिन ही पदव्युत्तर पदवी यशस्वीरित्या संपादन केली आहे.
विद्यापीठाच्या पदवीप्रदान समारंभात त्यांचे वडील श्री प्रमोद निंबाळकर हे कुटुंबीयांसह उपस्थित होते. यावेळी मानसी यांच्या या यशस्वी शैक्षणिक वाटचालीचा आनंद कुटुंबीयांनी साजरा केला.
कु. मानसी निंबाळकर यांच्या या उल्लेखनीय शैक्षणिक यशाबद्दल फलटण शहरासह विविध क्षेत्रांतून त्यांच्यावर अभिनंदनाचा वर्षाव होत आहे. परदेशात उच्च शिक्षण घेऊन फलटणच्या शैक्षणिक परंपरेत त्यांनी मानाचा तुरा रोवला असून, त्यांच्या या यशामुळे शहराच्या शिरपेचात आणखी एक मानाचा तुरा खोवला गेला आहे.
फलटणच्या कु. मानसी प्रमोद निंबाळकर यांची आंतरराष्ट्रीय शैक्षणिक कामगिरी
By Team LBNN
On: July 9, 2026 9:32 PM
