फलटण : इंजिनिअरिंग युनिव्हर्स एज्युकेशन इन्स्टिटयूट या शैक्षणिक संस्थेला राज्यस्तरीय सह्याद्रीरत्न सर्वोत्तम शैक्षणिक संस्था हा पुरस्कार थोर शास्त्रज्ञ डॉ. निता जोशी यांच्या हस्ते प्रदान करण्यात आला. हा सन्मान टॅलेंट कट्टाच्या वतीने आयोजित कार्यक्रमात प्रदान करण्यात आला.
गेल्या पाच वर्षांपासून या संस्थेमार्फत ‘कमवा आणि शिका’ या उपक्रमांतर्गत नर्सिंग, हॉटेल मॅनेजमेंट आणि इंजिनिअरिंग या शाखांमध्ये शिक्षण दिले जाते. उच्च शिक्षणासाठी मोठ्या प्रमाणात लागणारी फी परवडत नसल्याने अनेक विद्यार्थ्यांचे शिक्षण अपूर्ण राहते. परंतु संस्थेचे अध्यक्ष श्री. अक्षय अब्दागिरे सर यांच्या दूरदृष्टीमुळे अशा विद्यार्थ्यांसाठी काम करत-करत शिक्षण घेण्याची आणि कमी फीमध्ये उच्च शिक्षण पूर्ण करण्याची सोय करण्यात आली आहे.
संस्थेच्या या अभिनव कार्याचा गौरव म्हणून सह्याद्रीरत्न पुरस्कार देण्यात आला. संस्थेच्या वतीने हा पुरस्कार श्री. प्रवीण अब्दागिरे सर, श्री.प्रशांत शिंदे सर यांनी स्वीकारला. या प्रसंगी किरण पोंदकुले, विराज क्षीरसागर, तसेच टॅलेंट कट्टाचे संस्थापक अध्यक्ष डॉ. दीपक जाधव सर आणि इतर मान्यवर उपस्थित होते.
