फलटण – फलटण येथील जायंटस ग्रुपतर्फे त्यांच्या वार्षिक कौन्सिल मिटिंगच्या निमित्ताने वयाची अमृत महोत्सवी वर्ष पूर्ण केलेल्या ज्येष्ठ सभासदांसह शहरातील मान्यवरांचा गौरवपूर्ण सन्मान करण्यात आला. या विशेष कार्यक्रमात प्राचार्य अरविंद निकम, माजी नगराध्यक्ष दिलीपसिंह भोसले, ज्येष्ठ पत्रकार अरविंद मेहता, विठ्ठलराव माने, उदय शहा, पोटे साहेब, शामराव निकम यांसारख्या मान्यवरांचा सत्कार करण्यात आला.
याचबरोबर लोणंदचे ज्येष्ठ समाजसेवक डॉ. संजय शिवदे यांचाही विशेष सन्मान सातारा जिल्हा परिषदेचे मा. अध्यक्ष श्रीमंत संजीवराजे नाईक निंबाळकर यांच्या शुभहस्ते करण्यात आला.
वार्षिक कौन्सिल मिटिंगसोबत ज्येष्ठांचा सन्मान करण्याची ही उपक्रमशील संकल्पना उपस्थित मान्यवर आणि सभासदांकडून विशेष प्रशंसनीय ठरली.
