फलटण : आम आदमी पक्षाचे सातारा जिल्हा उपाध्यक्ष श्री. धैर्यशील अंकुशराव लोखंडे यांच्यावर प्राणघातक हल्ला करण्याचा प्रयत्न झाल्याची घटना शुक्रवारी दि. १० ऑक्टोबर २०२५ रोजी दुपारी साडेबारा वाजण्याच्या सुमारास घडली. धैर्यशील लोखंडे हे फलटण विमानतळ परिसरातून जात असताना, तीन अज्ञात व्यक्तींनी लाकडी दांड्यांच्या सहाय्याने त्यांचा पाठलाग करून दहशत निर्माण केली. हल्ला होणार असल्याची जाणीव होताच श्री. लोखंडे यांनी तत्काळ फलटण पोलीस ठाण्याशी संपर्क साधला. पोलिसांनी घटनास्थळी धाव घेत शोधमोहीम राबवली.
हे ही वाचा नराधमाला फाशी द्या, अन्यथा आमच्या ताब्यात द्या; फलटणमध्ये नसरापूरच्या घटनेचा कडाडून निषेध
या प्रकरणी तिन्ही अज्ञात व्यक्तींविरोधात फलटण पोलीस ठाण्यात तक्रार दाखल करण्यात आली आहे. घटनेचा पुढील तपास पोलीस करत आहेत.
