श्रीमंत रामराजेंच्या जुन्या नेत्यांना निवडणुकीत उतरवून मा.खा. रणजीतसिंहांचा डाव यशस्वी होणार का?

फलटण – फलटण नगरपालिका निवडणुकीच्या पार्श्वभूमीवर शहरातील राजकीय वातावरणात मोठ्या हालचाली सुरू झाल्या आहेत. विशेष म्हणजे, श्रीमंत रामराजे ना. निंबाळकर यांचे जुने, तीस वर्षांपासून स्थानिक पातळीवर सक्रिय असलेले नेते आता मा. खासदार रणजितसिंह ना. निंबाळकर यांच्या गटात सामील होताना दिसत आहेत.

लोकसभा आणि विधानसभा निवडणुकीत अनेकांनी विविध ठिकाणच्या नेत्यांच्या विरोधात भूमिका घेत, मा.खा. रणजितसिंह निंबाळकर यांच्या नेतृत्वावर विश्वास ठेवत पक्षासाठी निस्वार्थीपणे कार्य केले होते. आता त्याच कार्यकर्त्यांना सोबत घेऊन स्थानिक स्वराज्य निवडणुकीचा सामना करणे त्यांच्या कार्यकर्त्यांना अपेक्षित
असताना, श्रीमंत रामराजे ना. निंबाळकर यांच्या गटातील जुन्या  नेत्यांना आपल्या गटात ओढत त्यांनाच पुन्हा निवडणुकीत संधी देण्याचा मा.खा. रणजितसिंह ना. निंबाळकर आखत असलेला डाव फलटण नगरपालिका आपल्या ताब्यात घेण्यासाठी किती यशस्वी ठरेल, याची उत्सुकता राजकीय वर्तुळात वाढली आहे.