माझी बदली झालेली नाही – तुकाराम मुंढे

बदलीच्या चर्चांना पूर्णविराम; अन्न व औषध प्रशासनातील कारवाई सुरूच राहणार

मुंबई : महाराष्ट्र अन्न व औषध प्रशासनाचे आयुक्त तुकाराम मुंढे यांनी आपली बदली झालेली नसल्याचे स्पष्ट केले आहे. बदलीबाबत सुरू असलेल्या चर्चांवर त्यांनी भाष्य करत, आपली बदली झालेली नाही, असे सांगितले.

आपल्या पदावरून हटविण्याबाबतच्या चर्चांना त्यांनी फेटाळून लावले आहे. तसेच असुरक्षित अन्नपदार्थ आणि निकृष्ट दर्जाच्या औषधांविरोधातील कठोर कारवाई सुरूच राहील, असेही त्यांनी स्पष्ट केले.

महाराष्ट्र लोकसेवा आयोगामार्फत घेण्यात आलेल्या परीक्षांमधील पेपरफुटी आणि अनियमिततेची चौकशी करण्यासाठी राज्य सरकारने पाच सदस्यीय समिती स्थापन केली होती. या समितीच्या सचिवपदी तुकाराम मुंढे यांची नियुक्ती करण्यात आली होती. त्यानंतर त्यांच्या बदलीबाबत विविध चर्चा सुरू झाल्या होत्या.

मात्र, एका पॉडकास्टमध्ये बोलताना मुंढे यांनी आपली बदली झालेली नसल्याचे स्पष्ट केले. त्यामुळे त्यांच्या बदलीबाबत सुरू असलेल्या चर्चांना त्यांनी पूर्णविराम दिला आहे.