फलटण बाजार समितीत कांद्याला तेजी; घडिया ब्रदर्स यांच्या अडतीवर प्रतिक्विंटल ३ हजारांचा उच्चांकी दर

फलटण – कृषि उत्पन्न बाजार समिती, फलटणच्या मुख्य बाजारात मंगळवारी दि. ३० जून रोजी झालेल्या कांदा लिलावात बाजारभाव तेजीत राहिले. दर्जेदार कांद्याला व्यापाऱ्यांकडून चांगली मागणी असल्याने प्रतिक्विंटल ३ हजार रुपयांपर्यंत उच्चांकी दर मिळाला.

आज बाजार समितीत कांद्याची एकूण १ हजार ७४८ क्विंटल म्हणजे ३ हजार ४९६ पिशव्या इतकी आवक झाली. लिलावात कांद्याला किमान ५०० रुपये, कमाल ३ हजार रुपये आणि सरासरी १ हजार ८०० रुपये प्रतिक्विंटल असा दर मिळाला.

विशेष म्हणजे मे. घडिया ब्रदर्स यांच्या अडतीवर विक्रीस आलेल्या कांद्याला दिवसातील प्रतिक्विंटल ३ हजार रुपयांचा सर्वाधिक दर मिळाला. त्यामुळे शेतकऱ्यांमध्ये समाधानाचे वातावरण असून आगामी काही दिवस बाजारभावातील तेजी कायम राहण्याची अपेक्षा व्यक्त होत आहे.